أنا المقسوم ما بين أيوه و بين لأه ....
أنا المسجون ف عمر و لحظة مش فارقة ....
أنا اللى ف عز ضعفى عنيد ....
أقرب ألقى ضلى بعيد ....
و اشوف حلمى خلاص ف الإيد ....
تقوم إيد الألم سابقة

وانا التايه ما بين الحلم والحاصل
ومهما اشكى بيبقى صوتى مش واصل
وصابر ع اللى فات والجاى
ومحروم م الامل والضى
لا انا ميت ..ولا أنا حى
وحتى العمر بيفاصل

أنا اللى داريت دموع الروح ورا الضحكة ....
أنا اللى الخطوة واخدانى و مفيش سكة ...
أنا العاقل وانا المجنون ...
أنا الدوشة ف وسط سكون ...
أنا اللى يادوب هاجيب الجون ...
رمانى البخت ع الدكة

انا اللى ف قلبى مش باين على وشى
وبحبس دمعى جوايا ومبينشى
بدادى ف زمنى وبحايله
وحلمى قصادى مش طايله
ولما حاولت اوصله
زغرلى وقاللى يلا امشى

أنا اللى صاحبت أحلامى مصاحبتنيش ....
ملامحى ناديتها ف مرايتى معرفتنيش ....
و لسه الروح بتستنى ...
تفارق نارها للجنة ....
و اشوف الشمس واتمنى ....
دفاها يعدى مرة الشيش

منقول ... رائعـ

ӈ ǿ § § ᾶ ᵯ
انسانـ . مجرد انسانـ ويشرفنى انى انسانـ ليس أكثر ولا أقلـ .
ولا مغرور ولا مختلـ .
ولا هاحس انى اقلـ من حد أو اعلى من حد .
كلنا مولودين بنفس الحد وهنموت على نفس الحد .
غرورك فكرك . كبريائك عملك .
أوعاك تنسى انكـ نفس الحد الى كانـ من كامـ سنه .
مجرد حد .
عيش انسانـ تحس بحياتكـ .
مش دم فى عروق .
ولا حلاوة روح كأنك يدوب عايشـ .
بكره الكدب عشان بقى زيادة عن الحد .
ونكدب ليه ما هو محدش أحسن من حد .
بالعقلـ عايش وسط الناس .
مش بالظاهر بشوفهم .
بس دايماً حساسـ .
ودايماً بقولـ عقلكـ مفتاحكـ وانت ضيعته باعكـ .
ومين من غير عقلة يقدر يعيش ده عقلكـ حصانكـ .
والمشاعر دى حكياتها حكايه .
سر ربكـ فى خلقكـ .
شئ ملكك ومش ملكك .